Studietur til Balestrand og Kviknes Hotel 11. - 13. november
Bli med oss på studietur til Balestrand for fagleg påfyll, inspirasjon og fellesskap
Tema: “Meg som leiar”
Målgruppe:
Øverste leiar i selskapet
Mellomleiarar med ansvar for prosessar og mennesker
Medarbeidarar med leiareigenskapar og som er tenkt inn i ei leiande stilling i selskapet på sikt
Studietur med fokus på leiing
Uansett om du er gründer eller om du har di erfaring frå selskap som har eksistert i lang tid så er er følgande likt: -Det er både krevjande og givande å stå i leiarrolla.
I regionen vår finst det ei imponerande breidde av både bedrifter og enkelpersonar som har lykkast med å skape arbeidsplassar, utvikle konsept og drifte lokalt med suksess. Vi har alle noko å lære av kvarandre sine erfaringar, og difor gjentek vi fjorårets suksess: Studietur med fokus på leiing.
Vi har med oss Sigurd Granmark, ein av landets mest inspirerande foredragshaldarar innan leiarskap, som med varme, energi og erfaring frå toppleiarverda vil utfordre deg til å sjå deg sjølv utanfrå – og til å ta aktive val for ditt eige leiarskap.
Er du trygg på kven du er som leiar – og kvifor du leier slik du gjer?
Eller har du nokon gong kjent på at rolla krev meir av deg enn du hadde sett for deg?
Leiarskap handlar ikkje berre om å skape resultat – det handlar om deg. Om vala du tek, korleis du påverkar andre, og kva som skjer når du ikkje er bevisst på det.
På denne samlinga tek vi tak i leiaren bak rolla.
Du får tid og rom til å reflektere over dine eigne verdiar, drivkrefter og val – og kva det gjer med både deg og dei du leier.
Gjennom dagen blir du utfordra til å kjenne etter:
Kva er mitt indre kompass som leiar?
Kva står eg for – og korleis viser det seg i kvardagen?
Kva slags leiar ønskjer eg eigentleg å vere?
Kultur, leiing og konseptutvikling!
Vi har med oss ein av Noregs mest ettertrakta foredragshaldar innan kultur og leiing – Sigurd Granmark. Han tek oss igjennom store spørsmål som “Kven er eg som leiar?”, “Korleis påverkar min leiarstil andre?” og “Når er eg den beste leiaren?”
Fellesskap, tryggleik og gode relasjonar
I tillegg til det faglege legg vi stor vekt på det sosiale og det mellommenneskelege. Gjennom felles måltid, samtalar og gode opplevingar i Balestrand blir vi betre kjent – som kollegaer, samarbeidspartnarar og menneske. Når ein kjenner kvarandre, er det enklare å dele erfaringar, be om råd og bruke kvarandre som støttespelarar i kvardagen.
Dette handlar om å byggje tryggleik og fellesskap i næringslivet i regionen – og om å bli litt flinkare til å bruke kvarandre.
Program
Pris
Målbedrifter i Næringshagen og bedrifter tilnytta inkubatorprogrammet i Kunnskapsparken Vestland vil kunne få opptil 75% innovasjonsstøtte på turen.
Marknadspris for turen er: 23 400,-
Bedriftar utanfor Næringshageprogrammet og Inkubatorprogrammet er velkommen til å bli med, men må då betale fullpris for turen eller bli medlem.
Meld deg på her:
Har du spørsmål? Kontakt oss!
Runhild Fedøy
runhild@kpvest.no
Tlf: 98 08 39 50
Sigrid Førde
sigrid@kpvest.no
Tlf: 400 21 567